Os días 1 e 2 de outubro de 2004 nacía o Rallye de Ourense-Baixa Limia. En tan só dous meses Ourense Motor Sport foi capaz de sacar adiante unha proba do autonómico de rallyes para cubrir o espazo que deixara baleiro o Rallye de San Martiño. Neses dous meses traballouse dunha forma moi especial, sobre todo coa ilusión de conseguir que a proba celebrásese na data prevista. E así foi, e ás nove e media da mañá do sábado 2 de outubro, cun ceo cuberto e gris que máis tarde daría paso a unha excelente xornada de sol, o Peugeot 306 Maxi de Manuel Senra tomaba a saída desde Expourense para percorrer os tramos de "Lobios", "Muíños" e "Bande" en dúas pasadas cun descanso ao mediodía no incomparable marco da Praza Maior de Celanova. A Senra acompañábanlle un total de cen participantes, unha inscripción impresionante para unha proba organizada en dous meses e que nacía naqueles mesmos instantes.
E Manuel Senra partía como favorito, aínda que Toño Villar era un claro candidato para arrebatarlle o triunfo ao piloto de Dumbría, algo que xa demostrou Villar na primeira especial, "Lobios", onde marcou o mellor crono, superando por un segundo e medio a Senra, en case tres a Martinez Barreiro sendo cuarto un Alberto Meira que co Renault Clìo da Copa Autonómica pelexaba por entrar na cabeza da proba. No segundo tramo, "Muíños" Toño Villar sufría un pinchazo e víase obrigado ao abandono, deixando máis abofé o liderato de Senra aínda que Martinez Barreiro distanciábase moi pouco do piloto do 306 neste tramo, pero na primeira pasada por "Bande" que poñía a pechadura á primeira sección da proba Senra superaba en case oito segundos ao piloto do Mitsubishi. Terceiro era agora un rapidísimo Alberto Meira que voaba co Clìo e lideraba o Grupo N e a Clìo Cup de Galicia. Por detrás viña un regular Penido que malia problemas cos discos de freo instalábase nos postos de cabeza, á vez que Costoya remontaba para situar a súa Ford Sierra Cosworth como lider do Grupo X.
Non tiña Senra as cousas moi claras co Mitsubishi de Martinez Barreiro pisándolle os talóns, así que o do Peugeot montou rodas novas para a terceira sección e marcou os tres "scracht" da tarde, aumentando a vantaxe sobre Martinez Barreiro que se conformaba cun segundo posto que lle mantiña como lider do campionato. O tercer posto cambia de equipo, e é que Alberto Meira ten graves problemas coa caixa de cambios do seu Renault Clìo e vese obrigado ao abandono, sendo agora Penido o que ocupa a terceira praza, sendo cuarto un rapidísimo e regular Costoya. E na quinta posición sitúase un eficaz Martinez cun Renault Supercinco GT Turbo.
|
